پنجاب دا گیت
سوہنیاں دیساں اندر دیس پنجاب نی سئیؤ
جِویں پھلُاں اندر پھُل گلاب نی سئیؤ
رل مل باغیں پینگھاں جھُوٹن کُڑیاں ناگر ویلاں
جوش جوانی ٹھاٹھاں مارے لِشکن ہار ہمیلاں
پہنن ہیرے موتی مُکھ مہتاب نی سئیؤ
سوہنیاں دیساں اندر دیس پنجاب نی سئیؤ
جُڑ مٹیاراں ترنجن اندر چرخے بیٹھ گھکاون
نازک بانہہ الار پیاری تند چرکھڑے پاون
سینے اگاں لاون، ہوٹھ عناب نی سئیؤ
سوہنیاں دیساں اندر دیس پنجاب نی سئیؤ
ہیر شہزادی بیڑے بیٹھی سئیاں کھیڈن پئیاں
چند دوالے تارے چمکن، ہیر دوالے سئیاں
جھَلی جائے ناہیں اوہدی تاب نی سئیؤ
سوہنیاں دیساں اندر دیس پنجاب نی سئیؤ
موج لائی دریاواں سوہنی باغ زمیناں پھلدے
شرفؔ پنجابی دھرتی اتے ٹھمک ٹھمک پئے چلدے
ستلج، راوی، جہلم، اٹک، چناب نی سئیؤ
سوہنیاں دیساں اندر دیس پنجاب نی سئیؤ
بابو فیروز دین شرف
سوہنیاں دیساں اندر دیس پنجاب نی سئیؤ
جِویں پھلُاں اندر پھُل گلاب نی سئیؤ
رل مل باغیں پینگھاں جھُوٹن کُڑیاں ناگر ویلاں
جوش جوانی ٹھاٹھاں مارے لِشکن ہار ہمیلاں
پہنن ہیرے موتی مُکھ مہتاب نی سئیؤ
سوہنیاں دیساں اندر دیس پنجاب نی سئیؤ
جُڑ مٹیاراں ترنجن اندر چرخے بیٹھ گھکاون
نازک بانہہ الار پیاری تند چرکھڑے پاون
سینے اگاں لاون، ہوٹھ عناب نی سئیؤ
سوہنیاں دیساں اندر دیس پنجاب نی سئیؤ
ہیر شہزادی بیڑے بیٹھی سئیاں کھیڈن پئیاں
چند دوالے تارے چمکن، ہیر دوالے سئیاں
جھَلی جائے ناہیں اوہدی تاب نی سئیؤ
سوہنیاں دیساں اندر دیس پنجاب نی سئیؤ
موج لائی دریاواں سوہنی باغ زمیناں پھلدے
شرفؔ پنجابی دھرتی اتے ٹھمک ٹھمک پئے چلدے
ستلج، راوی، جہلم، اٹک، چناب نی سئیؤ
سوہنیاں دیساں اندر دیس پنجاب نی سئیؤ
بابو فیروز دین شرف
