Tuesday 15 May 2018

تسبیح دے اک اک دانے تے توں یار دا ورد پکاؤندا رو

تسبیح دے اک اک دانے تے تُوں یار دا وِرد پکاؤندا رو
او رُسیا آپے من جائے گا تُوں اپنا فرض نِبھاؤندا رو
تُوں دل دے شیشے وِچ رکھ لے تصویراں اپنے یار دیاں
تُوں مار کے چاتی اپنے وِچ نِت یار دا درشن پاؤندا رو
چھڈ چُوٹھے وِرد وظیفے نُوں اودے عشق دا قاعدہ پڑھیا کر
جگ پہانویں کافر کیہندا رئے تُوں ایہو سبق پکاؤندا رو
او بولے پہانویں نہ بولے اے مرضی اودے دل دی اے
سِر رکھ کے یار دے قدماں تے تُوں سجناں سِیس نواؤندا رو
جۓ بندیا تُوں کُج کھٹنا اے بس اک دا ہو جا چُپ کر کے
تُوں لگ کے آکھے لوکاں دے ناں ایویں وقت گواؤندا رو
جۓ تک لیا سوہنے اک واری تینوں صادق منزل مِل جائے گی
تُوں اَتھرو اوہدیاں یاداں دے نِت اکھیاں وِچ سجاؤندا رو

ایس ایم صادق
(شیخ محمد صادق حسین)