منقبت بر امام حسین رضی اللہ تعالٰی عنہ
جہنے حق دے راہ وچ جان دتی اوہنوں زندگی ملی دوام دی اے
ودھ آب حیات دے جام کولوں اک چلی شہادت دے جام دی اے
کربلا دے وچ پیاسیاں دا تتئ ریت اتے جہڑا خون ڈلہا
صدقہ اوسے ای خون دا ہر پاسے سبز کهیتری دین اسلام دی اے
پہلاں خون عزیزاں دے نال دسیا وضو کس طرح دینال کری دا اے
کهتےگئی اوہ سلطنت جہدے پچهے لیاں لعنتاں کهٹ یزیدیاں نے
رہسی ابد آباد تک قائم جہڑی سلطنت پاک امام دی اے
مولا حر نوں آکهیا جس ویلے آج منگ لے جو کچھ منگناں ای
اوس کہیا شہادت دا اذن بخشو ایہو آرزو ایس غلام دی اے
روز حشر اپنے نال خادماں دے بن کے رب دا فضل حسین رضی اللہ عنہ ہوسی
فضلؔ توں ایویں پریشان ہونایں لاج اوہناں نوں اپنے نام دی اے
پیر فضل گجراتی
