سدا نہ ون سونے رونٹے سدا نہ نویاں کوراں​

سدا نہ ون سونے رونٹے سدا نہ نویاں کوراں​

سدا نہ گِٹیاں توڑی لاچا سدا نہ بانکیاں توڑاں​

سدا نئیں اسماناں اتے گڈیاں چڑھیا رہناں​

سدا نئیں ڈورے کڈھدیاں پھرنا سدا نہ لمیاں روڑاں​

سدا نہ چن دا جوبن پورا سدا نئیں پڑ ملنے​

اسماناں ول لانی ناہیں ہُمبلی سدا چکوراں​

سدا نہ کِن مِن ساون والی سدا نہ کوئل کوکے​

سدا نہ امبیاں ہیٹھاں آ کے پیلاں پانیاں موراں​

سدا نہ نازک شاخاں اُتے حال پھلاں نوں پینے​

سدا نہ گیہ کے فضلؔ قوالی کرنی بلبل ہوراں​

پیر فضل گجراتی