ٹری جاؤ مجاہد ٹری جاؤ
پڑھی جاؤ مجاہدو بسم اللہ ہتھیں پھڑ تلواراں نوں ٹری جاؤ
بڑی دور جا کے تساں ساہ لینائیں کر کے تیز راہواراں نوں ٹری جاؤ
کافی بھارا اے تیراں تے نرکشاں دا رکھنا نال فتراکاں دا فائدہ کیہ
تسی سیر شکاریو لا تھانویں اپنے اپنے شکاراں نوں ٹری جاؤ
اوہناں پاسیاں دے ول جاؤ جتھے مدتاں دی خزاں چھائی ہوئی اے
جدھر پچھے پچھے ٹرن واہتے دے کے حکم بہاراں نوں ٹری جاؤ
پیر رکھ کے اوہناں تے ٹری جاؤ جیہڑے پینترے خالد نے پائے ہوئے نیں ول کے
ویری دے دلاں نوں ٹری جاؤ گھاہ کے صفاں قطاراں نوں ٹری جاؤ
چھائیاں ہوئیاں اداسیاں مٹ جاون وگو بلیو بادِ دیو
راہ وچ پھل کھار کے ٹری جاؤ لابنبے لا کے فاران نوں ٹری جاؤ
پڑھ کے نصرُ مِنَ اللہ تے ودھی جاؤ نعرہ اللہ اکبر دا مار کے تے
تسی ویکھو نہ مول لہو زبان توں تسی پچھو نہ واراں نوں ٹری جاؤ
جدھر جاؤ اودھر قبضہ کری جاؤ جھنڈا چن تارے والا گڈ کے تے
جو تساں دے راہ وچ پیندیاں نیں ڈھاکے اوہناں دیواراں نوں ٹری جاؤ
اوہناں پاسیاں دے ول جاؤ بڑیاں مدتاں دی خزاں چھائی ہوئی اے
جدھر جاؤ پچھے پچھے ترن واہتے دے کے حکم بہاراں نوں ٹری جاؤ
ہتھیں اپنی پٹ کے دیو جڑھاں جڑھاں جہٹریاں استبداد دیاں
دھر کے ہتھ پیراں ملن دلن والے ظالم ستم شعاراں نوں ٹری جاؤ
چک چک سراں نوں وچ کشمیر جیہڑے پئے راہ تہاڈے نوں ویکھدے نیں
دے کے سراں نوں تھاپڑے ٹری جاؤ بوسے دے چناراں نوں ٹری جاؤ
بدلہ اک فریادی دا لین واہتے ویکھو ابنِ قاسم کتھوں دوڑیا سی
تسی ٹیڑیوں توں جموں توں پار ہو کے دسن مزا اغیاراں نوں ٹری جاؤ
سوہنا جویں دستور اسلام دائے سوہنا قیدیاں نال برتاؤ ہووے
ہتھ اتا نہہ اٹھوا کے دشمناں دے کول لے ہتھیاراں نوں ٹری جاؤ
نظراں تساں ول لگیاں ہویاں نیں کاشغر توڑی ساری قوم دیاں
دے کے خبر اپنی پیش قدمیاں دی اپنے نامہ نگاراں نوں ٹری جاؤ
ٹری جاؤ مجاہد ٹری جاؤ
پیر فضل گجراتی
