سُکھاں دے پرچھاویں تھلے تھوڑے دُکھ
بیری ہیٹھاں بیہہ کے رَج تروڑے دکھ
اوہدے وَل تاں سوہنے سُفنے گھلّے سَن
یارو اوہنے واپس مینوں موڑے دکھ
ہتھاں اتے لیکاں، چبُھن سُولاں وانگ
پیراں اتے وجّن وانگ ہتھوڑے دکھ
سِک دے وال بھگو کے آس دے پانی وچ
کلیاں بیہہ کے اوہنے رج نچوڑے دکھ
اوہدی وینی دے وچ چوڑا پھبدا سی
اپنے ہتھ وچ لے کے آپ مروڑے دکھ
دکھ وی ساڈے جگرے ورگے نئیں ڈھولا
ایڈے کھلے سینے اندر سوڑے دکھ
زین شکیل
