جدید پنجابی شاعری
ساڈے ویڑے آون چڑیاں
ستیاں نوں جگاون چڑیاں
غفلت دے وچ بندے ستے
چوں چوں کر اٹھاون چڑیاں
وقت بدل گیا لوگ بدل گئے
نہ اوہ سبزے باغ رہ گئے
نہ اوہ چڑیاں کاگ رہ گئے
کٹ ٹالیاں کٹ بیریاں
گلیاں سنیاں گند ڈھیریاں
باغ اجڑ گئے مالی ٹر گئے
جناں رکھاں تے بنے آلنے
ساڑ دتے تے کٹ مکائے
اک رکھ تے پل کے چڑیاں
رہ نہ سکیاں رل کے چڑیاں
باز کمینے کچے کھا گئے
لوکی کھا گئے تل کے چڑیاں
ارشاد سندھو
