رب سائیں جے کرم کرے
رحمت اُس دی ہسّے
اج دی اکھ چوں سمیا اتھرو
کل دے سون دی بدلی بن کے
پرسوں ویڑے وسّے
رحمت اوہدی ہسّے
رب سائیں جے کرم کرے تے
کھڑن دلاں دے چنبے
وٹیاں وچ پنیری لاواں
بانکے پھل تروڑن لگیاں
میری دا ہتھ کمبے
کھڑن دلاں دے چمبے
رب سائیں جے کرم کرے تے
سب دی آس پجاوے
تیرا پیار کدیں نہ ویچاں
اپنا پیار جے ویچن نکلاں
کوئی مُل نہ پاوے
سب دی آس پجاوے
رب سائیں جے کرم کرے تے
اوہدے ہتھ وچ واگاں
اج دی رات میں سفنے کتاں
کل دی رات وی اکھ نہ میٹاں
تے پرسوں رات وی جاگاں
اوہدے ہتھ چ واگاں
منو بھائی
No comments:
Post a Comment
Note: only a member of this blog may post a comment.