کَندھاں
وَکھو وَکھ نیں سب دِیاں شکلاں
بٹھل، چپنی، ہانڈی، ٹھوٹھی
لوٹا، گاگر، بَدھنی، پیالہ
شکلاں وکھو وکھ نیں پر ساری مٹی
پنچھی ست رنگا وی ہووے
اُس دا وی پرچھاواں کالا
اَکھر بولیا جان والا
تے اَکھر سُنیا جان والا
اِک دوجے دا پرچھاواں وی ہو سکدے نیں
اِک اَسمان نوں ویکھن والیاں اَکھاں ساریاں
آپو اپنیاں ہُندیاں نیں
اتے ہر اِک اَکھ دا آپو آپنا امبر
مِینہ، تریل تے اتھرو، بدّل
برف تے لہر اکھواندا اے
پر سارا پانی ہُندا اے
میں وی مٹی ، توں وی مٹی
میں وی پانی، توں وی پانی
فِر وی دونویں اِک دوجے دے پیالے پے کے
اِک دُوجے دی تریہہ مٹان تےکیوں تیار نئیں ہُندے
ٹھنڈے ٹھار نئیں ہُندے
شہزاد نیر