مسجد میری توں کیوں ڈھاویں میں کیوں توڑاں مندر نوں
آ جا دونویں بہہ کے پڑھیے اک دُوجے دے اندر نوں
صدیاں وانگوں اج وی کجھ نئیں جانا مسجد مندر دا
لہو تے تیرا میرا لگنا تیرے میرے خنجر نوں
رب کرے توں مندر وانگوں ویکھیں میری مسجد نوں
رام کرے میں مسجد وانگوں ویکھاں تیرے مندر نوں
ڈُبے وچ سمندر بیڑے ساتھوں حالے نکلے نئیں
ویکھو ڈھول وجا کے چلے پھولن اوہدے امبر نوں
کدے کدے تے ایہو جیہی وی حرکت بندہ کردا اے
اپنا منہ لکاؤنا اوکھا ہو جاندا اے ڈنگر نوں
اساں نئیں آؤنا باباؔ تیرا مُڑ کے میلہ ویکھن لئی
شکلاں ویکھ کے دیندے نیں ورتاوے تیرے لنگر نوں
آ جا دونویں بہہ کے پڑھیے اک دُوجے دے اندر نوں
صدیاں وانگوں اج وی کجھ نئیں جانا مسجد مندر دا
لہو تے تیرا میرا لگنا تیرے میرے خنجر نوں
رب کرے توں مندر وانگوں ویکھیں میری مسجد نوں
رام کرے میں مسجد وانگوں ویکھاں تیرے مندر نوں
ڈُبے وچ سمندر بیڑے ساتھوں حالے نکلے نئیں
ویکھو ڈھول وجا کے چلے پھولن اوہدے امبر نوں
کدے کدے تے ایہو جیہی وی حرکت بندہ کردا اے
اپنا منہ لکاؤنا اوکھا ہو جاندا اے ڈنگر نوں
اساں نئیں آؤنا باباؔ تیرا مُڑ کے میلہ ویکھن لئی
شکلاں ویکھ کے دیندے نیں ورتاوے تیرے لنگر نوں
بابا نجمی