دلا بڑا توں چنگا ایں پھیر کی اے
ایتھے لوک ازما کے ویکھدے نے
جھک کے ملن والے کدے ویکھیا ای
سبھ کجھ اکھ چرا کے ویکھدے نے
دیدے قدرت دے پھلاں دی آبرو نوں
کنڈیاں وچ الجھا کے ویکھدے نے
چہرہ شاہی سکہ بھاویں لکھ ہووے
تاں وی لوک ٹنکا کے ویکھدے نے
سونا پاسے دا ہووے کسوٹی لا کے
اتوں اگ وچ پا کے ویکھدے نے
سچے ہیرے نوں آریاں ہیٹھ دے کے
بڑا کٹ کٹا کے ویکھدے نے
جیہڑا سرمہ جوبن بنے اکھیاں دا
کھرلاں وچ رگڑا کے ویکھدے نے
روویں یاراں نوں، سَکے بھرا ایتھے
کھوہے وچ لمکا کے ویکھدے نے
ایتھے سبھناں توں دامنؔ ہے خاک چنگی
جیہنوں پرکھ پرکھا کے ویکھدے نے
استاد دامن