باپ ہوون بھانویں غریب، فقیر بیبا
دِھی رانی دے ساہ نال ساہ لیسن
وِیر ہوون بھانویں لکھ وڈے افسر
نہ کدی اوہ باپ دی جاہ لیسن
بہناں ہسن، کھیڈن نال ساری جِندڑی
لکھ لگے نال آؤناں پیاری جِندڑی
سوہنی ماں دی اکھ اچ رب اوہ نور رکھیا
تک دِھی نوں دکھ سارے پاء لیسن
بھرجائیاں چنگیاں ہوون بھانویں لکھ بیبا
رکھن سو سو محبتاں دی آکھ بیبا
بہناں راز نیاز ہوندا بہناں دا
بن دسیاں دکھ سارے ونڈا لیسن
سنگت یار دی بڑا مان بیبا
یار، یاراں دی ہوندے آن بان بیبا
چنگی یاری دی اے شان وکھری
رب سوہنے دی دے ون پہچان بیبا
اے فرمان اچ قران بیبا
اے رشتے نے رب دی وڈی نعمت
انہاں محبتاں دی نئیں کوئی قیمت
جیہڑے مان رکھدے ایہناں ڈوریاں تاں
نہ گُنجل گنجلن راہ پاں لیسن
صبا نذیر