جے مل پوندوں تے پچھنا سی
کِتھے بدل تیرے وال تے نئیں
اوہ ویکھ لے نسدے جاندے نے
کدے ہور دے وسدے جاندے نے
کسی ہور نال ہسدے جاندے نے
کدھرے تیرا اوہ رومال تے نئیں
جیہڑا میرے لئی لہرایا سی
جیہڑا ہنیریاں وچ اوڈایا سی
تے جیہڑی رات ہنیری پے گئی اے
کدھرے تیری اوہ تصویر تے نئیں
جیہڑی کھچدیاں کالی ہو گئی سی
جنہوں لوک آسمان پے آدھے نے
کِتے تیرا نیلا سوٹ تے نئیں
جیہڑا اک دن پا کے آیا سئیں
فیر چوکھیاں تانگاں ہو گیّاں
ماہیے دے روسے نئیں مُکے
شاماں دیاں بانگاں ہو گئیاں
جے مل پوندوں تے پچھنا سی