جے ہتھ ہووے مالکا میریا
عرضی اِنج میں پانواں
چکی عشق گھماواں
چکی عشق گھماواں
وچ گیہوں بن جاواں
پہلا گیہوں، فیر میں آٹا
کی کی روپ وٹاواں
صبر، شُکر دا پانی پا کے
ہجر دے مچ وچ سجناں
روٹی اک پکاواں
اُس روٹی دی قسمت جاگے
تیری گلی میں آنواں
ہاۓ تیری گلی میں آنواں
تیرے در دے کُتیاں اگے
ترلے مِنتاں پانواں
رواں تے کُرلانواں
جے اُو قبول کرن روٹی نوں
نچ دھمالاں پانواں
بس کملی ہو جانواں
صبا نذیر