میری آہ فنا دا اثر رکھے
ماراں آہ تے در و دیوار سڑ جائے
پڑھاں فاتحہ جے قیس دے سر اتے
کفن تے اوہدا مزار سڑ جائے
بطن سیک کی تاب سمندراں دی
سنے وسط تے پار و رار سڑ جائے
خارج کرے جے آتش دہن میرا
یک دم دو عالم پسار سڑ جائے
توبہ در و دیوار تے کدوں ٹھہرے
بستی باغ بہار گلزار سڑ جائے
سدھا فلک دی طرف جے پھوک ماراں
قسم رب دی وچ پلکار سڑ جائے
چٹکا سواہ دا ہو جائے زمین سڑ کے
سنے ساکتاں ہائے پکار سڑ جائے
دائم اس گلوں کدی بولیا نہ
سوہنے یار دا متاں پیار سڑ جائے
دائم اقبال دائم