میں بُھل گئی آں
دفع
تُوں کوئی ہور ہیں
جیہڑا
کھوچل نوں
بے غیرت نوں
پہچاندا نئیں ایں
ایس کنجر عورت نوں وی
سیانڑدا نئیں ایں
دفع
میں بے عقل آں
تے تُوں
وڈا سیانڑا
دفع
اے روزی روٹی دا چکر
اے بہانہ
دفع
اے وقتی لذت دا
میہنا تے طعنہ
دفع
تیری آواز
کیوں گونجدی اے
کناں وچ
دفع
میں آکھیا نئیں سی
تُوں وی رج ویسیں مڑ
دفع
میں آکھیا نئیں سی
بھل ویسیں توں سب کج
دفع
تُوں جتھے وی جانا اے
جا ہنڑ جا وے
دفع
توں ڈک چھڈیا اے
دریا وگدا واہندا
دفع
میں بھل گئی آں مڑ
او بھلنڑ دا وعدہ
عارفہ شہزاد