بنیان دا گاہگ
انور مسعود جی! گھر تیرے آئے آں
سچی گل دسی، بنین لین آئے آں
توں اے مینوں دسیا، بنین تیری ٹاپ دی
نکیاں تے وڈیاں تے ساریاں دے ناپ دی
دو ورہے پہلے وی میں بنین تیری لئی سی
دو ورہے میں او بنین ہنڈا لئی
فر چھوٹی کڑی دی فراک بنا لئی.
انور مسعودا! میں بنین ہور لینی اے
راز دی میں گل اک ہور تینوں کہنی اے
دو ورہے اینوں میں آپ گل پانواں گی
فیر چھوٹے منڈے دا میں جانگیہ بناواں گی
ایہدے بعد فیر میں گھر تیرے آواں گی
تیجی واری فیر میں بنین لے کے جانواں گی
دو ورہے فیر اوہنوں کٹ کے ہنڈاواں گی
فیر کٹ وڈ کے میں کاکے گل پانواں گی
چوتھی واری فیر میں بنین لین آواں گی
ایس واری میں ای اوہنوں رج کے ہنڈاواں گی
چار ورہے پچھوں جدوں اوہنوں گلوں لاواں گی
فیر جھاڑ پونچھ دی صافی بناواں گی
انور مسعود سن میری گل ہسیا
کہن لگا، ایہو جیئا گاہگ نہیں پھسیا
شاہدہ اعجاز