کالے حرف​ سوچاں سمجھاں والیو لوکو

کالے حرف​

سوچاں سمجھاں والیو لوکو​

ریت گھڑی دا اک اک دانہ ​

کرلم کرلی کِردا جاوے​

دن راتاں نے چکی جھوٹی​

دھرتی دا کھوہ گڑدا جاوے​

نہ میں ریت گھڑی دا دانہ ​

نہ توں دھرتی کھوہ دا گیڑا​

ویلے تھاں دی قید نہ کوئی​

نہ کوئی جھگڑا نہ کوئی جھیڑا​

سوچان ڈنگیاں سدھیاں لیکاں​

فکراں نوں الماری پائیا​

چٹے ورقے چپ چپیتے ​

کالیاں حرفاں ظلم کمایا​

کالے حرف نے مینوں دسیا​

پرسوں رات وی میں لڑیا ساں​

بیتے کل دی ہار وی میری ​

اج اجوکا پل پل میرا​

کل جتن دی وار وی میری​

کالے حرف اسانوں دے گئے​

دھرتی نالوں لمیاں عمراں ​

عمراں نالوں وڈیاں سوچاں ​

سوچاں نالوں وڈیاں فکراں​

میرا اتھرو کیرن دا فیدہ ​

وتھاں ناپن دی کیہ لوڑ اے​

چٹے ورقے نوں کیہ خطرہ ​

کالے حرف نوں کاہدی تھوڑ اے​

سوچاں سمجھیاں والیو لوکو​

بہتے کالےحرفاں والے ​

اپنے کولوں ای ڈر گئے نیں​

جیہڑا زندہ اے زندہ رہے گا​

جنہاں مرناں سی مر گئے نیں​

منو بھائی