حسرتاں کوں قید کر کے پہرے ڈیندا رہ گیاں
پیار کوں بدنام تھیونڑ توں بچیندا رہ گیاں
پھکی کھل دی اوٹ دے وچ غم لکیندا رہ گیاں
ایں طرح وی عشق دی میں لج رکھیندا رہ گیاں
رات مونجھی ڈیہنہ وی مونجھا سوچ ساری مونجھ دی
مونجھے کاغذ اتے بس غم لکھیندا رہ گیاں
در ہوا کھڑکیندی رہی اے روپ تیڈا دھار کے
رات ساری در کھولیندیاں تے ولیندیاں رہ گیاں
جو رہیسو اوہ ہی چیسو ادا سارا لوک اے
میں جڈا وی سکھ رایم ڈکھ چنیندا رہ گیاں
اوں وی کیتی انت یارو پاس خاطر غیر دی
جہیں دی خاطر مندراں وچ بانگ ڈیندا رہ گیاں
یار اج معلوم تھیندا اے عشق چیتا کڈ گدھا اے
گھر دی ڈیڈھی تے آ کے گھر گولیندا رہ گیاں
پھٹ گیا اے یار میڈا میڈی جھگی ساڑ کے
ول وی شاکر بے وفا کوں میں گولیندا رہ گیاں
شاکر شجاع آبادی