دُھپاں وچ اے چھاواں وچ اے
سجن میرے ساہواں وچ اے
خورے کس نے آؤنا اے اَج
کاہدی مہک فضاواں وچ اے
سُکھ وی سارے اُس دے نال
دنیا اوہدی بانہواں وچ اے
مُکھڑے سوہنے ہُندے نیں پر
سارا رنگ اداواں وچ اے
ایدھر اودھر کیہ لبھدے او
وَسدا رب تے ماواں وچ اے
نئیں آؤندا کوئی، بولدے رہندے
بھیڑی عادت کاواں وچ اے
کھڑ کھڑ ہسدے پئے نیں پُھل وی
لگدا اے اوہ راہواں وچ اے
No comments:
Post a Comment
Note: only a member of this blog may post a comment.