جینویں جعلی ڈگریاں مُل گِھن کے
کئی گودے ٹائم ٹپا گئے ہن
بیا حال ڈیوائیں اینویں مسجد وچ
ادھ عالِم ان پڑھ آ گئے ہن
انہیں ملک دا حال کنگال کیتے
اے دین کوں دا تے لا گئے ہن
جیڑھے پہلے موئے نی علم کنوں
او وقتی جان چھڑا گئے ہن
جیڑھے بچ گئے ہن او وی بچنڑ دے نہیں
بدمعاش معاش تے چھا گئے ہن
تیکوں صوبہ جوڑ کے ان ڈیسن
جیڑھے سڑکاں سولنگ کھا گئے ہن
جیڑھیاں سیٹاں ملین لاہور وچوں
چپڑاس دیاں ویچ وٹا گئے ہن
بشیر حسین غمخوار
No comments:
Post a Comment
Note: only a member of this blog may post a comment.