چارے پاسے پا کے نھیر کرونا نیں
ویکھو دنیا لئی اے گھیر کرونا نیں
چارے پاسے پا کے نھیر کرونا نیں
ویکھو دنیا لئی اے گھیر کرونا نیں
کٹھیاں بہہ کے کھا نئیں سکدے
گیت پیار دے گا نئیں سکدے
ظلم کرونا کی چا کیتا
کلہ کلہ جی چا کیتا
جگ تے رہنا کنی دیر کرونا نیں
ویکھو دنیا لئی اے گھیر کرونا نیں
نک تے جبھ نوں تاڑی پھردے
مونھ تے چھکوں چاڑھی پھردے
اینی نفرت بھر چھڈی اے
کنج کنج وکھری کر چھڈی اے
چھنی، کولی، کپ، چنگیر کرونا نیں
ویکھو دنیا لئی اے گھیر کرونا نیں
اج ویکھ سلام بلا نئیں سکدے
ہتھ نال ہتھ ملا نئیں سکدے
گھٹا کیتی اے سائنس ترقی
مرض کسے توں گئی نئیں ڈکی
تگڑے ملک وی کیتے زیر کرونا نیں
ویکھو دنیا لئی اے گھیر کرونا نیں
جد سرکار اعلان چا کیتا
کئیاں دا نقصان چا کیتا
نجمی پکے کھانے رہ گئے
ہر تھاں تنبو تانے رہ گئے
پائے پڑتھوں چار چفیر کرونا نیں
ویکھو دنیا لئی اے گھیر کرونا نیں
سلیم نجمی
No comments:
Post a Comment
Note: only a member of this blog may post a comment.