رُت دے ناں
پير سانوں ويکھن دے
تينڈے پير کِھمن اسمانيں نظر تھيں رہن اگونہے
کِتے جُھلن انھير سويريں نقش اليکن سوہے
پير سانوں ويکھن دے
ساڈے تن وِچ وسدی رات پير تينڈے دھوندی آوے
تيرياں پيراں دا چانن پانی اساں کولوں لنگھ لنگھ جاوے
پير سانوں ويکھن دے
ساڈے تن دی رات نُوں تينڈے مچ سورج دا گھيرا
ساڈی ڈھول دِلے دی دھڑکن شور دھماليں تيرا
ہووے نينہہ دی کڑتن سنگھنی
پير سانوں ويکھن دے
ہووے گُوڑھی سِرڑ دی رنگنی
پير سانوں ويکھن دے
نجم حسين سيد
No comments:
Post a Comment
Note: only a member of this blog may post a comment.