کھیہ کے دنیا دے نال میں بیٹھاں
ویکھ میرا کمال، میں بیٹھاں
اٹھ کے دِیوا تے بال میں بیٹھاں
کیہ ہوا دی مجال، میں بیٹھاں
بعض بندے مثال بن جاندے
ایہدی زندہ مثال، میں بیٹھاں
جی میں دُکھڑے سُنان توں قاصر
آپ ویکھے اوہ حال، میں بیٹھاں
عشق مَسند تے بہہ کے فرماوے
مست کھیڈو دھمال، میں بیٹھاں
دُکھ وچھوڑے دا دل چ آ بیٹھا
دل نوں کہندا اے پال، میں بیٹھاں
اکرم ریحان
No comments:
Post a Comment
Note: only a member of this blog may post a comment.