جدید پنجابی شاعری
دل دی ہووے پُوری تے میں روز شرینی ونڈاں
مُک جاوے جے دوری تے میں روز شرینی ونڈاں
نیڑے آ کے نین ملا کے سجنا جے اِک واری
ہس کے پاویں گُھوری تے میں روز شرینی ونڈاں
اِنج دی گل سُنا کوئی کاواں پورے پِنڈ دے اندر
دیسی گھیؤ دی چُوری تے میں روز شرینی ونڈاں
تیرے دیس چ تینوں جے کر دیس دیا مزدورا
روز مِلے مزدُوری تے میں روز شرینی ونڈاں
آل دوالے کِھلرے کُجھ کُجھ زہراں دی جے سجنا
ہووے نہ مجبوری تے میں روز شرینی ونڈاں
تیرے سوہنے در تے سوہنا آون دی جے مینوں
مِل جاوے منظوری تے میں روز شرینی ونڈاں
جِہڑی سندھو اِک دوجے نوں نیڑے کِھچ لیاوے
لبھے اوہ کستُوری تے میں روز شرینی ونڈاں
ارشاد سندھو
No comments:
Post a Comment
Note: only a member of this blog may post a comment.