لیکھاں ہارے ہر جاندے نیں
ایتھے ہاسے مر جاندے نیں
عشق ہوراں توں وڈے وڈے
چھیتی توبہ کر جاندے نیں
آ وِکھاواں تینوں جِتھے
ڈُبے بیڑے تر جاندے نیں
اک اَدھی توں لڑ کے لوکیں
سو سو گلاں جر جاندے نیں
سینے لگ کے ویکھو تے سہی
کِنج کلیجے ٹھر جاندے نیں
اوہ کیہ نھیر مُکاون جہڑے
وأ گُھلے تے ڈر جاندے نیں
دِھیاں دے دُکھ سُن کے خُرما
پتھر دل وی کھر جاندے نیں
خرم چودھری
No comments:
Post a Comment
Note: only a member of this blog may post a comment.