بولیاں
جٹی کس کے دوپٹہ لک بنھیا
تے واڈیاں دے ڈھول وج گئے
ہتھ داتری تے نک وچ نتھلی
میرے موھرے کون ٹھہردا
پانی بھردی، دی جھانجر چھنکی
تے کھوہ اُتے پنڈ ڈُھکیا
اوہنے پیلی چ پیر جد دھریا
سریوں تے پُھل کھڑ پئے
سانوں روٹی دی فکر نہ کوئی
ہالیاں نے ہل جوت لئے
جتھے محنتاں دا مُل نہ کوئی
اوتھے کسے کیہ وسنا
مینہ وسیا وساکھی والے میلے
تے کنکاں نوں روگ لگ گئے
گوری پت نوں ڈھاکے جد لایا
تے چال چہ مڑک آ گئی
نائلہ بٹ
No comments:
Post a Comment
Note: only a member of this blog may post a comment.