کُجھ نئیں بول بلارے وچ
توں نئیں ساڈے وارے وچ
جنیاں مرضی قسماں کھا
ہن نئیں آؤندی لارے وچ
او وی گلاں کردے، جو
ادّھے وچ، نا سارے وچ
کدھر ویکھی جانا ایں؟
ہتھ نہ دے لئیں آرے وچ
وکھری شے تے اک وی نئیں
تھارے وچ، نہ مارے وچ
حاکمو! ڈوب کے ساہ لوؤ گے
سوچو ملک دے بارے وچ
ہیر تڑفدی جھنگ وچ رئی
رانجھا تخت ہزارے وچ
چُھٹی دا تے ناں ای نئیں
سجناں عشق ادارے وچ
دنیا اک دن سوچے گی
بشریٰ ناز دے بارے وچ
بشریٰ ناز
No comments:
Post a Comment
Note: only a member of this blog may post a comment.