سارہ توں نئیں مری

سارا شگفتہ لئی اک نظم

توں زندگی نوں سگریٹ وانگ پیتا

تے زندگی نے تینوں

سچئیے تیرا ننگ ویکھ کے شیشہ تڑک گیا

تے سمندر دے مونہہ نے جھگ چھڈی

توں ہنجو ہنجو جوڑ کے دریا بناؤندی رئی

تے آپ ترنا بھل گئی

تیریاں نظماں وچ انجن دی چیک تے اگر بتیاں دی مہک اے

توں موت کولوں نیند خریدی

تے اپنے جُثے وچ بنی اوس قبر وچ سؤں گئی

جتھے تیرا بچہ جاگدا سی

توں امرتا دا عشق

تے ساحر دا گیت ایں

جنہوں ہن ویلا گا ریہا اے

سارہ توں نئیں مری

اونہاں اکھاں دی نیند مری اے

جنہاں کدی تینوں تیرے بسترے تے سؤن نئیں سی دتا

انجم سلیمی