جیون کان سہارے ہندے
تاں ای سجن پیارے ہندے
جے کر جذبے خالص ہوون
فر نہیں دور کنارے ہندے
پتر کوجے کالے ہوون
ماں دے راج دلارے ہندے
جد وی آکھاں ملن دے لئی میں
اوہدے ولوں کارے ہندے
رب توں منگیا کر زبیر
بندیاں کول نی لارے ہُندے
زبیر عباس
پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
No comments:
Post a Comment
Note: only a member of this blog may post a comment.