توں آکھیں تے کر جانا واں
مرنا اے ناں، مر جاناں واں
پُھلاں تے سرداری اوہندی
میں ویکھاں تے ٹھر جانا واں
لوکی ہس کہ مِلدے مینوں
قسمے میں تے ڈر جانا واں
غربت کٹکاں دی کھٹ کارن
روز نماشیں ہر جانا واں
شامیں اوتھے خوشی نہ لبھے
دھمی جتھے دھر جانا واں
ویلا اودوں ملم لیاوے
جد میں صدمہ جر جانا واں
ناصر گن لا ہر شئے اپنی
میں ہن اپنے گھر جانا واں
رائے محمد ناصر خان کھرل
No comments:
Post a Comment
Note: only a member of this blog may post a comment.