تو یاد کر نا
میں آہدا ہامی
تُو ہک یقین ایں، یقین کر ونج
تُو ہک عقیدہ ایں تے او عقیدہ ایں
جیہڑے تے میں جان وار سنگداں
تُو آپ ڈس نا
بغیر تیڈے
حیاتی کیویں گزار سنگداں
تو یاد کر نا میں آہدا ہامی
میں تیڈے ناں دی
کتاب لکھساں
تے تیڈے ناں
انتساب لکھساں
میں تیڈے ناں دی
کوئی مکمل، نماز پڑھنی ہے
عشق کرنا اے
تو یاد کر نا میں آہدا ہامی
میں تیڈہ شہ رگ دے نال تھی کے
تے ادنُ منی دا ورد کرنا اے
تو ذات ڈیویں
میکوں وی معراج کیتے
ہک رات دی ضرورت ہے
رات ڈیویں
تو یاد کر نا میں آہدا ہامی
اے ساری شعر و سخن دی دنیا
ہے تیڈے کیتے میڈی محبت
تیڈی اے ہا ہا ڈسیندی پئی اے
جو تیکوں کئی گاہل یاد کونی
جے یاد کونی تاں میں وی ہک ڈینہہ
اے ساری گاہلیں وسار ڈیساں
میں ہنڑ تباہی دی آخری حد تھو
خود کوں موڑاں تاں ٹھیک راہساں
میڈا خیال اے جو ہنڑ میں اینجھے
خیال چھوڑاں تاں ٹھیک راہساں
عادل کہاوڑ
No comments:
Post a Comment
Note: only a member of this blog may post a comment.