بیلی جگ تے اوکھے لبھدے
نئیں لبھدے گلیاں پھر کے
نسبت نال ای چھاواں دیون
پت وکھ ہوندے ٹہنیوں کر کے
ہریا بھریا میوے دیوے
سک بھالن بندا جے چر کے
بندیا تیرا کجھ نہیں بچنا
جد پیر پوڑھیوں تھڑکے
دل دی من کے ٹردا رہو
نئیں کجھ وی لبھدا بھڑ کے
ایویں مول نہ دل تے لاویں
جے مت دین لئی کوئی جھڑکے
تُبکا تُبکا رِسدا ساحل
جے من دا بھانڈا تڑکے
ساحل اعوان
No comments:
Post a Comment
Note: only a member of this blog may post a comment.