ناں او مٹی دی کٹوی
ناں او لکڑ دی ڈوئی
ناں او نکی جئی چلہانی
ناں او رہی کچی رسوئی
ناں او انگیٹھیاں دے سیکے
ناں او کالی جئی لوئی
ناں او ککھاں دے ٹہارے
ناں او تھگڑیاں دی رضوئی
ناں او لسیاں دے مٹکے
ناں او رہے مکھن ملائی
ناں او پوکاں دے سالن
ناں او گُڑ دی کڑاھی
ناں او ساہواں دا شکار
ناں او پچھے نسا نسائی
ناں او گدڑاں دی ہوک
ناں او کُتیاں دی لڑائی
ناں او سدا سادا گواھنڈی
انجان ناں او من اچ صفائی
فیاض احمد انجان
No comments:
Post a Comment
Note: only a member of this blog may post a comment.