ذات دے تھل اچ عمر گزارنی پئے گئی اے
صحرا دے وچ بیڑی تارنی پئے گئی اے
تیڈے باجھ تاں جیونڑ جانی ایں لگدے
دریا وچ دیوار اُسارنی پئے گئی اے
اپنے آپ تو اتنا دور نکل کیا ہم
اپنے آپ کو ہکل مارنی پئے گئی اے
جان فقیر دا ترکہ صرف حیاتی ہئی
او وی پہلے وار تے وارنی پئے گئی اے
چوڈی دا چن ہاڑ دے سورج وانگوں ہا
جتھاں میکوں رات گزارنی پئے گئی اے
ہنج دی یار پہاگ کوں ذبح کرنا ہا
تسے مال کوں کاتی مارنی پئے گئی اے
ہنج دا داغ عابد نہ آوے دامن تے
ہنج ہی ہنج دے نال ہچھارنی پئے گئی اے
عابد بلال
No comments:
Post a Comment
Note: only a member of this blog may post a comment.