میلہ ویکھن پاروں سی میں گھر چھڈیا
اس میلے نے دھیلے مُل دا کر چھڈیا
در در تے اوہ دارُو لبھدا پھردا اے
جس مُورکھ نے داتا تیرا در چھڈیا
توڑوں توڑ نبھاون میں تے ٹُریا سی
اوسے آپنڑے آپ پرایا کر چھڈیا
دو یاراں چوں اک دی ہار ضروری سی
یاری توڑ نبھاون کارن ہر چھڈیا
جندڑی یارا اوکھی اے پردیساں دی
دیس نوں چھڈنا سوکھا نئیں سی، پر چھڈیا
جانڑدے وی کہ جانڑی جان یقینی سی
عشقے خاطر سوہنی کچا تر چھڈیا
ماڑے مُڑ مُڑ ایہو کجھ ای کرنا ایں
بُڑ بُڑ کیتی، کر کے ہوکا بھر چھڈیا
راشد ڈوگر
No comments:
Post a Comment
Note: only a member of this blog may post a comment.