دُکھاں دی اخیر نئیں ہوندی
درداں دی تصویر نئیں ہوندی
ڈنگ بڈنگ کمان والے دی
اُکا کوئی جاگیر نئیں ہوندی
جھوٹھ موٹھ دے سُفنیاں دی تے
سچی کوئی تعبیر نئیں ہوندی
رب شفاء نہ چاہوے جے کر
کوئی دوا اکسیر نئیں ہوندی
ماں دی چُنی، چُنی اے بس
زخم تے بنھی لیر نئیں ہوندی
حق تے چلن والیاں لئی تے
راہ وچ کوئی لکیر نئیں ہوندی
شافی ویہلا ہوئے جے رانجھا
خوش فر اوہدی ہیر نئیں ہوندی
عقیل شافی
No comments:
Post a Comment
Note: only a member of this blog may post a comment.