سرمی دے پیلے پھل تے کچا رستہ الیسی
تُو ڈیکھیں میڈی جھوک اُتے پٹکا الیسی
چُپ میں تے میڈے بال وی چپ ہن نا الیسن
چُپ ہے میڈا بابا جو ہنڑیں ڈاڈا الیسی
ہئی پُچھدی میڈے نال کیا تو پیار کریندیں
او کوں پک ہئی جو ایں گال اُتے گونگا الیسی
سطراں تے ڈٹھے خون دے قطراں دی قسم ہے
قلماں وی الیسن اے میڈا بستہ الیسی
عباس کھر
No comments:
Post a Comment
Note: only a member of this blog may post a comment.