جدید پنجابی شاعری
پہلی وار اُڈاری ماردی
کُونج دے وانگر
اِک سمندری اکھ نے مینوں
جد وی تکیا
ہس کے تکیا
دھرتی مینوں اِنج گھمایا
میں انبراں ول نسّیا
دل دا حال میں دل وچ رکھیا
سَوں تیری میں کجھ نہیں دَسیا
پہلی وار اُڈاری ماردی
کُونج دے وانگر
اُس دی نیلی اکھ نے مینوں
جد وی اپنے کول بلایا
میں شرمایا میں گھبرایا
میں اکھیاں دے اتھرُو پُونجھ کے
اپنے پِنڈ دے بالاں وانگوں
کُھل کے ہسیا
سَوں تیری میں کجھ نہیں دَسیا
صغیر تبسم
No comments:
Post a Comment
Note: only a member of this blog may post a comment.