منزل دا کوئی پتہ کوہنی رستہ کھڑے تھیا
رستے اتے یار مسافر کلہا کھڑے تھیا
میڈی تانگھ ءچ در تے کھڑا اماں کوں میں ڈٹھے
میکوں دوروں ایویں لگے اللہ کھڑے تھیا
پتہ نی جو کیندے پاروں سجھ ہے لتھا ویندا
پتہ نی جو کیندے پاروں دریا کھڑے تھیا
پیراں دے وچ ڈٹھا پیاں میکن کیشے کوہنی
توں جو کھڑیں تیڈے کنوں پیسہ کھڑے تھیا
میڈی بچڑی تیڈا پیکہ ویڑھا اجڑا کوہنی
کندھاں ڈٹھیاں پیین اجاں بوہا کھڑے تھیا
اجاں تونڑیں ساکن ہے پئی وسبے دی سرداری
اجاں ساڈی ٹالہی تلے حقہ کھڑے تھیا
تونڑے میڈیاں باہواں کوہنی باہواں دریا پی گئے
وت وی میڈا جھنڈا ڈیکھو اچا کھڑے تھیا
منشو بھٹہ
No comments:
Post a Comment
Note: only a member of this blog may post a comment.