جدید پنجابی شاعری/گیت
نی عاشقاں نوں رج لینڑ دے
نی اجے جاویں نہ کھوہے تو پانی بھر کے
تیرے ویکھنڑ نوں آئے پینڈا کر کے
نی عاشقاں نوں رج لینڑ دے
نی عاشقاں نوں رج لینڑ دے
سجری جوانی تیری پُھلاں وانگوں مہکدی
گجرے دے نال چوڑی بانہواں وچ ٹیکدی
کتھے چلی ایں توں ساڈے کولوں ڈر کے
تیرے ویکھنڑ نوں آئے پینڈا کر کے
نی عاشقاں نوں رج لینڑ دے
ویکھ ویکھ تینوں اسیں نئیوں تھکدے
نام تیرا دل اُتے لکھ لکھ رکھدے
نی کاہنوں سنگدی ایں پراں منہ کر کے
تیرے ویکھنڑ نوں آئے پینڈا کر کے
نی عاشقاں نوں رج لینڑ دے
عابد تے ہویا تیرے پیار چہ شودائی نی
تیریاں جدایاں اگ سینے وچ لائی نی
نی آ جا باہنواں وچ گھڑا پراں تر کے
تیرے ویکھنڑ نوں آئے پینڈا کر کے
نی عاشقاں نوں رج لینڑ دے
نی عاشقاں نوں رج لینڑ دے
آصف ریحان عابد
No comments:
Post a Comment
Note: only a member of this blog may post a comment.