جدید پنجابی شاعری
سموگ
دُھند، تندور تے دُھواں رل کے
ونڈدے پھِردے زہراں نیں
گُھپ ہنیریاں شاماں جاپن
دُھند وِچ
پیشی ڈیگر پہراں نیں
پنچھی، پتے، کومل کلیاں
پُھل وی مُونجھے مُونجھے نیں
وانگ خزاں دے
روگ سموگی
باغ باغیچے قہراں نیں
چپ چپان سموگی منظر
سُتے دریا نہراں نیں
ایسے دُکھ دے ہتھوں عاصم
ہتیا کر لئی
پِنڈاں نالے شہراں نیں
غلام شبیر عاصم
No comments:
Post a Comment
Note: only a member of this blog may post a comment.