جدید پنجابی شاعری
ہاڑا
ساڈے بلھیں وجے جندرے
اسیں سچ نہ سکیے بول
بے دوشا بندی وان ہے
تے جھوٹھے کرن کلول
اج بولے کن انصاف دے
دن رات وجاٸیے ڈھول
اج منصف ہوئے کھوچرے
پٸ تکڑی کھاوے جھول
اساں پاڑے ورق آٸین دے
قانون نوں چھڈیا رول
اساں انکھ انا نوں نپ کے
تے پھڑیا ہتھ کشکول
سانوں سجن مونہہ نہ لاوندے
اسیں جاٸیے کس دے کول
اج کوڈیوں کھوٹے ہو گئے
کدے ہیرے ساں انمول
اساں دھکے مار مہانیاں
کیتا ہے بستر گول
ہن بیڑی میرے دیس دی
پھردی ہے ڈانواں ڈول
انجم توں نکرے بیٹھ کے
شعراں وچ دکھ پھرول
شریف انجم
No comments:
Post a Comment
Note: only a member of this blog may post a comment.