جدید پنجابی سرائیکی شاعری
کیوں جو پہلے ڈینہوار نئیں رہ گئے
میڈے سنگتی ہزار نئیں رہ گئے
اجٖ جے شیشہ ڈِٹھے تاں روون آئے
اساں پہلے دی کار نئیں رہ گئے
ساکوں غربت دی ڈَین چمبڑی ہے
ساڈے اج کل معیار نئیں رہ گئے
اِتنا لیکھے نہ کر حیاتی توں
ہُن تیڈے کوئی اُدھار نئیں رہ گئے
رجٖ کے روون دا ہِکو فائدہ تھئے
ساڈے اندر و غبار نئیں رہ گئے
ونجٖن آلے کوں کوئی ڈساوے ہا
زِندگی وِچ قرار نئیں رہ گئے
اجٖ دلِ داغدار ویندا پئے
سِر تے ساہویں دے بار نئیں رہ گئے
شبیر شرر
No comments:
Post a Comment
Note: only a member of this blog may post a comment.