جدید پنجابی شاعری
پنڈ دے واسی شہراں لئی کملے ہوئے نیں
ایویں نہیں تہذیباں تے حملے ہوئے نیں
اپنڑی ہتھاں اپنڑی دھرتی ویچن والے
ہُن کہندے نیویں ساڈے شملے ہوئے نیں
جیہڑی تھاں تے کنڑک کپاہ پہ ہوندی سی
اج اس تھاں تے ویکھو پکے بنگلے ہوئے نیں
رُوکھی سُوکھی کھا کے ہسّن کیھڈن والے
پل دو پل دی خُوشیاں لئی یملے ہوئے نیں
پنڈ دے واسی شہراں لئی کملے ہوئے نیں
ایویں نہیں تہذیباں تے حملے ہوئے نیں
سہیل صفدر
No comments:
Post a Comment
Note: only a member of this blog may post a comment.