جدید پنجابی شاعری
جھُوٹیاں کہانیاں
سُنیاں سُنانیاں نیں جھُوٹیاں کہانیاں
لکھیاں لکھانیاں نیں جھوٹیاں کہانیاں
اُلیکیاں کہانیاں تے بولیاں کہانیاں
ساریاں کہانیاں نیں جھوٹیاں کہانیاں
سچ دیاں ظُلماں نُوں بالاں توں لُکان لئی
بالاں نُوں پڑھانیاں نیں جھوٹیاں کہانیاں
عزتاں بچان لئی تے لوکاں نُوں وکھان لئی
سِراں اُتے تانیاں نیں جھوٹیاں کہانیاں
مر جاوے ویکھ کے نہ آپنیاں شکلاں
شیشے توں لُکانیاں نیں جھوٹیاں کہانیاں
غزلاں لُکانیاں نیں تے نظماں چھُپانیاں
گیتاں وچ گانیاں نیں جھوٹیاں کہانیاں
کون کڈھے قبراں ءچ دبیاں کہانیاں
اساں تے ہنڈھانیاں نیں جھوٹیاں کہانیاں
فہیم اسلم
No comments:
Post a Comment
Note: only a member of this blog may post a comment.