اندر و اندری مُک گیا واں
کانے وانگوں سُک گیا واں
جِتھے جُھکنا مناسب نہیں سی
تیری خاطر جُھک گیا واں
تیرے پیار نے پَلا پھڑیا
جاندا جاندا رُک گیا واں
لبھدا پھریں جَگ تے مینُوں
دھرتی ہیٹھاں لُک گیا واں
ہولا سی میں جانو بھانویں
پَنڈ دُکھاں دی چُک گیا واں
اپنے جُسے وچ میں شاکر
کِلاں وانگر ٹُھک گیا واں
سلامت شاکر
No comments:
Post a Comment
Note: only a member of this blog may post a comment.