ہجر دی بھاہ تے پگھار ساکوں
ہیں کھوٹے کھرے نتار ساکوں
تیڈی زندگی دی خیر ہووے
توں اپنڑاں صدقہ اُتار ساکوں
تیکوں گزارنڑ دا ڈاں نئیں آیا
ہنڑ آ ڑی زندگی گُزار ساکوں
نہ تول ککھیں کوں دانڑیں سانویں
آ پا کے چھج ءچ ہووار ساکوں
کہیں دا دل ہُنڑ کھسیج پووے
ایں میں آں ایجھا سنگھار ساکوں
توں شوق اپنڑے نہ نال گھن ونج
ہیں کھمباں کُھتڑے اُڈار ساکوں
ایں نچا اج رُوپے دے بدلے
آ ڈیکھے محسن چودھار ساکوں
بلال محسن
No comments:
Post a Comment
Note: only a member of this blog may post a comment.