وانگ فقیراں سدا دے کے تر چلے

 میر تقی میر دی غزل فقیرانہ آئے صدا کر چلے دا پنجابی ترجمہ

وانگ فقیراں سدّا دے کے تُر چلے

سکھ دیاں سیساں دیندے دیندے تر چلے

تیرے بن کیہ جیناں ساڈا وعدہ سی

کیتے جیہڑے قول، نبھائے تر چلے

جھوندی اکھیں ویہندے بے شک ویہندے تاں

تسیں تاں منہ تے پلا کر کے تر چلے

کناں چا سی تیرے یار دوارے دا

اپنی رت وچہ آپ نہاتے تر چلے

جھات وکھا کے ساڈے ہوش اڑا چھڈے

سانوں ساڈے کولوں کھوہ کے تر چلے

متھا گھسیا اینے سجدے کیتے نیں

بندہ ہون دے حق نبیڑے تر چلے

سجناں تینوں ایتھوں تیکر پوجیا سی

رب بنا کے لوکاں بھانے تر چلے

سوچاں غزلاں کردیوں عمر وہانی سی

ایویں نہیں اِس نوں وڈیا کے تر چلے

کیہ دساں گے میرؔ جے کوئی پچھ بیٹھا

دنیا وچہ کیہ کرم کمائے تر چلے

یعقوب آسی