جیویں کوئی اُٹھ کچاوے تروڑ ڈیندے
جیڑھا رشتہ بنڑاوے تروڑ ڈیندے
اینجھا تڑپھا اے کوئی مجبور دل کوں
دیوانہ کھٹ دے پاوے تروڑ ڈیندے
اوندے ہتھیں ڈِتم چا دل پتہ ہا
او جیڑھی شئے وی چاوے تروڑ ڈیندے
کڑا مرشد دا ایں تے بے اثر ہے
اے عشق اے سئیں کلاوے تروڑ ڈیندے
کوئی وعدہ نی اوندا توڑ چڑھدا
کریندے جتنے دعوے تروڑ ڈیندے
خدا میڈا ہے سوہنڑاں کاریگر پر
جیڑھا برتن بنڑاوے تروڑ ڈیندے
نمازِ عشق کیویں نیتوں عاقل
جو دل کافر سکاوے تروڑ ڈیندے
عمران عاقل
No comments:
Post a Comment
Note: only a member of this blog may post a comment.